Tolentino inungkat ang Playgirls scandal, ikinumpara ang mga dancer kay Madonna

BINATIKOS ni dating Metro Manila Development Authority (MMDA) chairman na ngayon ay tumatakbong senador na si Francis Tolentino ang mga Pinoy dahil umano sa pagkakaroon ng double standard, sa pagsasabing walangpuso ang publiko sa ginawang pagbatikos sa kanya matapos masangkot sa girl group na Playgirls, ngunit sabik na gustong mapanood ng live ang international pop star Madonna.

Sa isang panayam sa ANC, sinabi ni Tolentino na ang pagiging hipokrito ng mga Pinoy ang dahilan kung kayat binatikos siya sa pag-iimbita sa Playgirls para magtanghal sa kaarawan ni Laguna Rep. Benjamin Agarao noong isang taon.

“In terms of societal hypocrisy and how you view things, you penalize a guy for something he’s already apologized [for], and yet you patronize all of these things in shows, noontime shows, and then you have a fully-booked Madonna show forthcoming. So okay lang ‘yun (that’s okay), blame it on societal hypocrisy, blame it on existing paradigms which sometimes we accept, sometimes we don’t,” dagdag ni Tolentino.

Binatikos si Tolentino ng mga netizen matapos naman ang malaswang pagtatanghal ng Playgirls dahilan para mapilitan siyang magbitiw sa puwesto.

“It has nothing to do with your performance as a government official, it has nothing to do with your character, I think it even strengthened my character, my resolve to ask forgiveness, maging mapagpakumbabang loob (to become humble), I think it is one phase in your life when you admit and ask forgiveness, let’s move on,” giit ni Tolentino.