Mark Neumann: Mas okay kung walang BF ang ka-loveteam mo!

DIRETSONG sinabi ng TV5 Kilig Prince na si Mark Neumann na mas okay kung walang boyfriend ang kanyang ka-loveteam. Kaya swak na swak daw sa kanya ang Viva Artist Agency young actress na si Shy Carlos.

Magka-sama ngayon sa bagong weekly series ng Kapatid Network na Carlo J Caparas’ Tasya Fantasya ang dalawa na magsisimulang umere sa Feb. 6, Sabado, sa TV5. Sa mga hindi pa nakakaalam, ang unang naka-loveteam ni Mark sa TV5 ay si Shaira Mae na girlfriend ng Kapamilya actor na si Edgar Allan Guzman.

Tinanong namin si Mark sa pocket presscon ng Tasya Fantasya kung ano ang mas okay, ang ka-loveteam na may dyowa na o single pa, aniya, “Well, let’s say in a way (mas okay), yeah. “Why? Of course, sometimes even though..I’m not saying na talaga, but there’s always a hindrance in some way. Even though hindi mo talaga gusto na may boyfriend.

“Hindi naman hindrance, pero there’s always gonna be something because she’s attached to someone else, which is, you know, that’s how it really is,” aniya pa. Dugtong pa ng binata, “Even though I do miss Shaira and the old times.

But if the management choice is this…well, the management knows what’s best on what to do with us.”
Inamin din ni Mark na nagkaroon talaga ng issue sa loveteam nila ni Shaira dahil sa relasyon nito kay Edgar Allan.

Kaya naman umaasa si Mark na hindi na ito mangyayari ngayon sa kanila ni Shy dahil single nga ang kanyang bagong leading lady. Tinanong din si Mark kung kumusta namang katrabaho si Shy? Shy ba siya in real life? “Kabaligtaran, ang kulit niya!” sabay tawa ni Mark.

“Pero yung kulit na nakakatuwa. She’s the life… parang pag lahat pagod na, siya yung makulit. She’s really into her character, she does it professionally and hindi siya takot pumangit kasi she does it professionally,” aniya pa.

Sabi pa ni Mark, “Well, I’m pretty close na with her, but I wanna get closer pa. Like I said, we’ll spend more time together. It was not hard naman to get close with her.” Anyway, sa trailer pa lang ng Tasya Fantasya ay siguradong mag-eenjoy na ang viewers dahil mas lamang ang good vibes dito kahit na may mga kontrabida.

At in fairness ha, malakas ang chemistry nina Shy at Mark. Makakasama rin dito sina Candy Pangilinan, John Lapus, AJ Muhlach at marami pang iba sa direksyon ni Ricky Rivero. Magsisimula na ito sa darating na Sabado, sa TV5.