Yun, oh: Obama enjoy sa Manila Bay sunset
NABIGHANI si US President Barack Obama sa sunset ng Manila Bay, isa sa itinuturing na atraksyon ng Maynila, sa kanyang pagbisita rito para sa Asia-Pacific Economic Cooperation (Apec) summit.
Pete Souza, Chief Official White House photographer, ang nag-post ng larawan ni Obama sa Instagram habang pinanonood nito ang paglubog ng araw nitong Martes.
May caption ang post na: “Watching the sunset in Manila”.
Umani ng maraming likes at komento ang nasabing post ni Souza.
Dumating sa bansa si Obama Martes ng tanghali. Pagkatapos nito ay binisita niya ang BRP Gregorio del Pilar bago tumuloy sa kanyang hotel.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.