P33M nakuha sa Southern Leyte
Isang mananaya sa Southern Leyte ang nanalo ng P33.4 milyong jackpot prize sa bola ng Lotto 6/42 Sabado ng gabi.
Ayon sa Philippine Charity Sweepstakes Office ang nanalo ay tumaya sa lotto outlet sa Brgy. Taliwa sa Malitbog, Southern Leyte.
Siya ang nag-iisang tumaya sa mga numerong 19-21-2-31-15-14. Nagkakahalaga ng P20 ang kanyang itinaya.
Nanalo naman ng tig-P21,970 ang 40 mananaya na nakakuha ng limang numerong lumabas.
Tig-P390 naman ang tinamaan ng 1,793 mananaya na nakaapat na numero at balik ng P20 taya ng 26,468 mananaya na nakatatlong numero.
Ang Lotto 6/42 ay binobola tuwing Martes, Huwebes at Sabado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.