JC de Vera: Kung wala ang ABS-CBN, wala rin ako!
Marami ang nagpapatunay na mas gumaling na aktor si JC de Vera nang lumipat sa ABS-CBN. Sa GMA siya nagsimula at napunta rin sa TV5. Sabi naman ng hunk actor mas maganda talaga ang resulta kapag marunong maghintay ang isang tao.
Sabi ni JC, “All credits, lahat manggagaling lahat sa ABS-CBN. Because of ABS-CBN, I’m JC. So, very grateful lang ako na alam mo yun, sila talaga yung tumutulong sa akin, sila yung sumusuporta. Without them, wala, wala ako.”
Matapos ang matagumpay niyang mga serye sa ABS-CBN (The Legal Wife at Moon of Desire), mapapasabak uli si JC sa matin-ding drama, kasali siya sa inaaba-ngang family drama ng Dos na You’re My Home kung saan gagampanan niya ang papel ni Christian Vergara, anak ng isang senador na kinasuhan ng frustrated homicide.
“More mature JC, deeper side of acting ang makikita nila rito. Mas raw, different persona na naman, malayung-malayo sa dating JC na napapanood nila,” sabi pa nito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.