Kakai Bautista pinagbawalan nang makipag-usap kay Mario Maurer

Inamin ni Your Face Sounds Familiar contestant Kakai Bautista na bawal na siyang makipag-usap sa Thai superstar na si Mario Maurer. Na-link ang komedyana kay Mario nang gawin nila ang pelikulang “Suddenly It’s Magic” with Erich Gonzales noong 2012.

Tinanong si Kakai matapos ang number niya sa YFSF kung saan ginaya niya ang Scottish singer na si Sheena Easton (Telephone) kung nagkaroon sila ng “long distance love affair” ni Mario Maurer.

“Wala naman kasing love affair. Wala na yun,” sagot ni Kakai. Tinanong uli siya ng guest judge na si Boy Abunda , “Nagkaroon ba talaga ng relasyon?”

Tugon ni Kakai, “Hindi ko alam basta ang alam ko po gustong gusto niya ako. Ha-hahaha! Hindi ko alam basta ang alam ko lang bawal na ako makipagusap sa kanya at kahit pa makarating ‘to sa Bangkok alam niya yun. Hindi na kami nag-uusap.”