PNoy itinangging nagsigawan sila ni Abad
President Noynoy Aquino and Secretary Florencio ‘ butch’ Abad
ITINANGGI kahapon ni Pangulong Aquino na nagsigawan sila ni Budget Secretary Florencio “Butch” Abad.
“Unang-una, malinaw pa naman ‘yung pandinig namin. ‘Yung Gabinete ini-encourage kong magpalitan ng kanilang opinyon, pero sa pananaw ko wala pa yatang nagsigawan—not with me, but more in particular, even just in my presence,” sabi ni Aquino.
Idinagdag ni Aquino na hindi na dapat itong patulan.
“Pero sa totoo lang, ‘yung ‘nagsigawan kami,’ parang napaka-absurdo yata na nakakawalang-ganang patulan pa ‘yung mga ganyang kuro-kuro, ‘di ba? ‘Yung kuwentong kutsero nagkakaroon nagkakaroon ng saysay ‘pag sinagot pa natin. Kaya pabayaan ko na ‘yung mga kutserong nagsulat niyan na maghanap sila ng paraan nila kung paano sila pansinin,” ayon pa kay Aquino.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.