Coleen pinayuhan si Pastillas Girl: Kapit ka lang kay Lord!

UMABOT na sa mahigit P100 million ang kinita ng pelikulang “Ex With Benefits” na pinagbibidahan nina Coleen Garcia at Derek Ramsay under Viva Films and Star Cinema.

Ibig sabihin maihahanay na rin ang girlfriend ni Billy Crawford sa box-office stars ng Kapamilya network tulad nina Toni Gonzaga, Kathryn Bernardo, Angelica Panganiban, Bea Alonzo at Sarah Geronimo.

At dahil sa success ng pelikula, binigyan ng Star Magic at Star Cinema ng solo thanksgi-ving presscon si Coleen nitong nakaraang Huwebes. At simula ngayon, tatawagin na si Coleen bilang The Sexy Drama Box-Office Star. Bongga, di ba?

Showing pa rin hanggang ngayon ang “Ex With Benefits”, ikatlong linggo na ito sa mga sinehan kaya kung hindi n’yo pa ito napapanood, watch na dahil sabi nga ni Coleen, hindi masasayang ang ibabayad n’yo sa sinehan.

Ito ay sa direksiyon ni Gino M. Santos. Kasama rin sa movie sina Rayver Cruz, Tirso Cruz III, Kitkat, Carmi Martin at marami pang iba. Ang “Ex With Benefits” ay graded A ng Cinema Evaluation Board.

Bukod dito, napapanood pa rin si Coleen sa book 2 ng afternoon top-rating series na Pasion de Amor. At ibinalita rin ng mga executives ng Star Cinema na makakasama rin si Coleen sa isang bonggang pelikula na mapapanood as 2016 kung saan magkakaroon sila ng dalawang leading man.

Sa solo presscon ni Coleen, sinabi niya na dahil nga sa dami ng kanyang proyekto ngayon, kailangan niyang mag-absent sa noontime show ng ABS-CBN na It’s Showtime. Pero updated naman daw siya sa mga nangyayari sa programa.

Knows din ni Coleen ang tungkol sa bagong segment ng Showtime, ito ngang paghahanap ng makaka-loveteam ng kontrobersiyal na si Pastillas Girl o Angelica Jane Yap sa tunay na buhay.

Sumikat si Pastillas Girl nang manghingi siya ng payo sa “AdviceGanda” segment ni Vice Ganda sa kanilang noontime show. Pero kasabay nito, inaatake ngayon ng matinding pamba-bash sa social media si Pastillas Girl.

Sa presscon ni Coleen, natanong ang dalaga kung ano ang masasabi niya kay Pastillas Girl, “Yes, oo nga. You know, although I went kanina, that’s the first time to experience the whole Pastillas Girl thing.

And you know she seems like a ge-nuine person. She spoke from the heart earlier. Pero she talked about how she feels about e-verything. Umiyak pa siya and everything.”

Para sa mga nangnenega sa nasabing segment ng kanilang programa, ito lang ang masasabi ni Coleen, “You know none of it is scripted. What I think is if you start to disregard the entire competition between the networks, you start to see that this girl is really special.

She has something to offer to people. She deserves where she is now.” Kung may payo siya para kay Pastillas Girl na panay na ang iyak ngayon dahil sa tindi ng pamba-bash sa kanya, ano iyon?

“Mas mahirap sa kanya kasi hindi siya artista. So parang wala pa siyang nararamdaman na good feelings about being here sa showbiz eh, bina-bash na siya.

Ang advice ko sa kanya eh, kapit lang, kapit lang sa Diyos kasi God is really the only one who can get you through everything,” pahayag pa ni Coleen.