Julie Anne bagong Advocate for Children ng World Vision

PORMAL nang itinalaga ang Asia’s Pop Sweetheart na si Julie Anne San Jose bilang bagong Celebrity Advocate for Children of World Vision, na isang international child-focused non-government organization.

Mas magiging involved ngayon sa iba’t ibang charity and community outreach programs ang Kapuso singer-actress, partikular na sa pagpo-promote ng “children’s rights, well-being and education.”

“We are very honoured to now have as part of our family a staunch advocate for children, Julie Anne, who we all know started in her career as a child.

We have been witness to how she genuinely cares for the children and we know that this will be the beginning of a beautiful journey with her in ensuring that every child lives his/her life to the fullest,” ayon kay World Vision Manager for Public Awareness and Experience na si Pamela Millora.

Bago pa man ang announcement ng pagiging World Vision Advocate ni Julie Anne, matagal nang involved sa iba’t ibang World Vision initiatives ang dalaga, kabilang na ang “Bangon Pinoy”, a concert for the benefit of Yolanda survivors in 2013.

At kamakailan lang ay nakiisa rin si Julie Anne sa “White Event”, an online celebrity auction for a cause. Bukod dito, tumatayo rin siyang sponsor sa dalawang bata na inaalagaan ng World Vision.

Kasalukuyang napapanood si Julie Anne sa ilang shows ng GMA, tulad ng Sunday PinaSaya, Pepito Manaloto at sa Afternoon Prime series na Buena Familia.