KC may photo exhibit para sa mga Nepal quake survivors

KC CONCEPCION

TULUY-TULOY ang ginagawang pagtulong ng TV host-actress na si KC Concepcion sa mga survivors ng killer earthquake sa bansang Nepal.

Nakipag-collaborate ang anak ni Megastar Sharon Cuneta sa kilalang photographer na si Mark Nicdao para sa isang makabuluhang photo exhibit na gaganapin sa June 1 at June 2 sa SM Megamall Mega Atrium.

Kilala si KC bilang isa sa mga Filipino celebrities na mabilisang umaaksiyon kapag may mga sakuna o trahedya sa bansa. Bukod pa riyan ang pagiging national ambassador against hunger niya para sa United Nation’s World Food Programme (UNWFP).

Sa kanyang Instagram account, hinikayat ni KC ang lahat ng kanyang mga kaibigan at followers na maging bahagi rin ng pagtulong sa mga taga-Nepal na labis na naapektuhan ng lindol.

“When the Philippines was in trouble, the world came together for us. Now it is our turn to help… I am overwhelmed by the support we have been getting for.

“But we need you to help us rebuild earthquake-affected areas of Nepal. Come & help us bring back the smiles of the children, women & families of Nepal, the way @markednicdao & I remember,” ang mensahe ng TV host-actress sa kanyang IG page.

Dugtong pa ng dalaga, “See you at the Mega Atrium of @smmegamall on Monday and Tuesday, June 1-2! I will be there to welcome all of you, and together let’s all make a difference. Hope to see you there!!! (love).”

Magkasama palang nagtungo sa Nepal two years ago sina KC at Nicdao kaya naging malapit sa kanilang mga puso ang mga kapatid natin sa nasabing bansa.