Sigaw ni Vice Ganda: Magdyowa na po kami ni Atom Araullo!

NAGSABIHAN ng “I love you” sina Vice Ganda at Atom Araullo sa harap ng madlang pipol kaninang tanghali sa noontime show ng ABS-CBN na It’s Showtime. At dahil dito, naging isa sa top trending topic ang #AtomViceForever sa Twitter.

Alam ng lahat ng super crush ni Vice ang news reporter-TV host na si Atom Araullo at kahapon nga sa “Sine Mo ‘To” segment ng Showtime, nakausap ni Vice si Atom sa phone. “Atom, alam mo ba napanaginipan kita tapos sabi ko gusto kitang maging boyfriend. Kaya pumunta ako kay Vicky Morales, tapos sabi ko sana maging boyfriend ko siya, wish ko lang…Atom I love you,” ang buong-ningning na sabi ng komedyante. Game namang sumagot ang news reporter ng, “I love you too.” Hirit naman ni Vice, “So madlang people official na po. Mag-dyowa na po kami ni Atom. Ito na po ang news sa Star Patrol mamaya, Gretchen Fullido mag-dyowa na po kami ni Atom. #AtomViceForever!” Matapos ito, tinawagan agad ni Vice si Gretchen, “Nag-propose sa akin si Atom on national TV and officially he confirmed na kami na. Trending ngayon ang #AtomViceForever. Ang saya-saya ko ngayon Gretchen dahil may isang lalaking masaya dahil sa akin!”  Nang tanungin kung bakit parang baliw na baliw siya kay Atom, ang naging tugon ng TV host-comedian, “Si Atom parang it feels like magic, parang hindi ko ma-describe parang basta it’s magic.”