Tambalang John Lloyd-Maja wala raw dating sa masa kaya ibinasura

AS promised, ngayon lang namin isusulat ang iba pang detalye sa bagong teleserye ng box-office director na si Wenn Deramas na Flor de Liza.

Sa last column namin dito, nabanggit sa amin ni Direk Wenn that he has already started taping for his new soap opera titled Flor de Liza. Naganap ang first taping ni Direk Wenn last Tuesday.

Sa presscon ng kanyang inaabangang comedy film na “Moron 5.2:” showing on Nov. 5 with a premiere night on Nov. 3, he requested na huwag muna naming isulat na si Jolina Magdangal ang makakasama ni Marvin Agustin sa serye until the time na pwede na and we kept our promise.

Kaya ngayon, heto na ang saktong kwento sa pagbabalik ni Jolina sa ABS-CBN at ng tambalan nila ni Marvin. “Oo, noong una hindi sila. It’s Janice de Belen, Desiree del Valle, JC de Vera and Meryll Soriano. Meryll is in London.

Pumasok sina Marvin at Jolina kasi hindi tumitindig ‘yung cast. Si JC naman ayaw daw munang mag-soap dahil busy sa dalawang pelikula. Walang schedule na maibigay,” umpisa ni Direk Wenn.

Ang original choice niya ay sina Janice, Desiree at Gabby Concepcion. “Tapos, si Janice ay nasa OMG (Oh, My Gosh!) ‘Yan ang kapalit ng Be Careful. Tapos noon kinunsider din, I think, si John Estrada.

So, nawala. As in zero, wala kaming artista. Si Des lang  ‘yung hindi natatanggal sa line-up. Tapos ‘yun na, pumasok na ‘yung Jolina-Marvin.”

Totally different daw ang kwento ng Flor de Liza sa ginawang pelikula noon nina Janice de Belen at yumaong si Julie Vega noong dekada 80.  Ang ABS executive na si Lauren Dyogi raw ang nag-suggest na sina Jolina at Marvin ang ipalit.

But the show is under Linggit Tan. Hindi alam ni Direk Wenn kung full contract si Jolina sa ABS-CBN or per show lang. Huling nakatrabaho ni Direk Wenn si Jolina sa pelikulang “Kung Ikaw Ay Isang Panaginip” with Leandro Muñoz and Rafael Rosell.

After this movie, lumipat na raw sa ibang network si Jolina. Papalitan ng Flor de Liza ang Pure Love next month. At bukod dito  ang iba pang nakapila na drama series sa Kapamilya network ay ang Bagito at Nathaniel ng Dreamscape na pawang nasa primetime, ang Passion de Amor, OMG at ang Ako’y Maghihintay na may working title dati na Bridge.

Ang Ako’y Maghihintay ay ang dating project for John Lloyd Cruz at Maja Salvador. But according to our source, wala raw makitang chemistry ang management sa JLC-Maja tandem kaya pinalitan ni Echo sa serye ang boyfriend ni Angelica Panganiban.

Makakasama naman sa OMG ni Janice sina Janella Salvador, Marlo Mortel, Manolo Pedrosa at marami pang iba.