Juday: Sana mabuntis na ako this year!

Umaasa si Judy Ann Santos na mabubuntis na siya bago matapos ang taon, talaga raw kinakarir nila ni Ryan Agoncillo ang pagkakaroon uli ng baby para may kasunod na si Lucho.

“Hindi bucket list ‘yun, talagang plano ‘yon, plano talaga siya. We are hoping na sana this year,” sey ni Juday sa interview ng ABS-CBN. Dagdag ng TV host-actress, baka raw kasi mahirapan na siyang manganak kapag hindi pa siya nabuntis ngayon.

Samantala, tuwang-tuwa si Juday nang malaman niyang magkakaroon na ng second season ang kiddie game show nilang Bet On Your Baby na magsisimula na sa darating na Lunes, Sept. 22.

Mapapanood na ito mula Lunes hanggang Biyernes, 5 p.m.. Ibig sabihin, literal na araw-araw mapapanood si Juday sa ABS-CBN dahil tuwing weekend naman ang reality show niyang I Do.

Inamin ni Juday na hindi niya in-expect na agad babalik sa ere ang Bet On Your Baby, “Supposedly next year pa kami babalik but since maraming request ang mga tao at buhos din ang mga gustong sumali, parang nakakataba ng puso na everybody is looking forward for the season 2, kaya nandito na kami mapapanood niyo na kami muli.”

Dagdag pa ni Juday, “Mas exciting (ang second season), mas maraming prizes silang makukuha, mas masaya, mas nakakanerbyos siguro. We are very happy na makakasama ko ulit ‘yung staff.”

Sa season 2 ng Bet On Your Baby, mapapanood pa rin ang mga two-to three-year-old children kasama ang kanilang parents para gawin ang mga inihandang challenges ng programa.

“Ganu’n pa rin ang objective natin, how well the parents can guess their respective babies’ next move in these tests will determine the winner of the show.”

Ang Bet On Your Baby ay nagmula sa US na binili ng ABS-CBN para mapanood ng mga Pinoy. In fairness, talagang humataw sa ratings game ang programa and consistently ranked among the 15 most watched programs in the Philippines throughout its run, base na rin sa survey ng Kantar Media/TNS.