Dennis: Mas sinuswerte ako kapag walang lovelife!

DENNIS TRILLO

“Drama King” na nga ang taguri ngayon ng GMA 7 kay papa Dennis Trillo.

Noong nakaraang presscon ng seryeng Hiram Na Alaala ay nagpalakpakan ang lahat nang tawagin si Dennis bilang drama king at bago pa man siya pina-akyat sa stage to join his co-stars sa naturang soap na magsisimula na ngayong Sept. 22, ay binigyan pa siya ng special intro-VTR. Indeed, haring-hari nga talaga ang treatment sa kanya ng istasyon.

“Nakakataba ng puso, pero salamat siyempre. More than the title, siyempre yung trabaho at quality ng work ang higit naming pagsusumikapan na ma-achieve. I’m just grateful,” bahagi ng tsika ni Dennis na kabadong-kabado nang kantahin ang theme song ng Hiram Na Alaala during the presscon.

Makakasama niya rito sina Kris Bernal, Lauren Young at Rocco Nacino among others, at siya talaga ang pinakabida sa soap na tumatalakay sa buhay ng mga sundalong Pinoy. Impressive yung mga PMA scenes nila at iba pang military facilities na first time nga nating mapapanood sa telebisyon.

Umamin din si Dennis na mas bongga ang karir niya kapag naka-focus lang siya sa trabaho at walang lovelife. “Trabaho muna.

Darating din iyan.”