Vice Ganda kay Ser Chief: OK siya, swabe lang, hindi OA!
VICE GANDA AT RICHARD YAP
Puring-puri naman ni Vice Ganda ang bago niyang “leading man” na si Richard Yap. Magkakasama sila for the first time sa MMFF entry na “Praybeyt Benjamin 2”.
“Okay siya, swabe lang, hindi OA, sakto sakto lang, sakto sa role sakto sa okasyon at maganda ang personality,” ayon kay Vice sa interview ng ABS-CBN.
“Gusto ko si Richard di lang as an actor kung hindi as a person – sobrang bait at mature. Kapag nag-uusap kami ay sobrang mature. Nakakatuwa siya,” dagdag pa niya nang tanungin kung ano ang mga qualities na nagustuhan niya sa leading man ni Jodi Sta. Maria sa Be Careful With My Heart.
Kung wala nang magiging problema, ngayong araw ang unang shooting nina Vice at Richard para sa kanilang filmfest entry. Matagal na palang gusto ni Vice na makasama si Ser Chief sa pelikula, “Ayan, natuloy na kaya ang saya!”
Bukod kay Richard, makakasama rin sa nasabing MMFF entry ang bunsong anak ni Kris Aquino na si Bimby, “Sobrang support si Kris kaya nakakatuwa!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.