Derek mas feel maka-loveteam si Marian kesa kay Tetay

NATAWA talaga kami sa narinig naming komento ng ilang mga kapatid sa hanapbuhay hinggil sa obserbasyon nila sa “facial reactions” daw ni papa Derek Ramsey nang tanungin ito tungkol sa posibleng pagsasamahang movie nila ni Kris Aquino.

Pumirma na kasi ng kontrata sa Regal Films ang hunk papa-friend natin at balita ngang isa sa mga gagawin niyang pelikula para sa film outfit ni Mother Lily Monteverde bukod sa mala-“Pretty Woman” movie nila ni Marian Rivera ay yung pagsasamagan nila ni Kris Aquino.

Sey ng aming impormante kapatid na Ervin, “May kung anong mahirap na ipaliwanag na reaksyon kaming nakita. Ayaw naming sabihin na ayaw niya kay Kris, pero may ibang sinasabi ang mga mata niya nu’ng marinig niya ang name ni Tetay kumpara sa mas naging maaliwalas niyang reaksyon nang banggitin ang name ni Marian.”

Ha-hahaha! Natawa talaga kami kapatid na Ervin dahil parang kailan lang din prior to that Regal Films contract signing ni papa Derek ay may nagbalita din sa aming common friend na as much as possible daw sana ay gustong panatilihin ng hunk actor ang pagiging “gentleman” pagdating sa usaping Kris Aquino na tinatalo pa ang CNN sa super agang pag-broadcast ng mga anik-anik na impormasyon hinggil sa mga “special male friends” niya! Harharharhar!