‘Notes’ ni Ahron laging nata-touch ni Kakai pag natutulog

TAWANAN ang lahat members ng entertainment media na dumalo sa presscon ng pelikulang “Harry & Patty” nang aminin ng mga bidang sina Kakai Bautista at Ahron Villena na magkasama sila sa isang kwarto kapag may out of the country shows sila.

Inakala tuloy ng lahat na nagkaroon sila ng relasyon dahil nga imposible raw na walang nangyayari sa kanila kapag magkasama na sa kuwarto. Matagal nang tinutukso sina Ahron at Kakai kaya tinanong ang dalawa kung nagkaroon ba sila ng intimate scenes sa tunay na buhay.

“Wala!” mabilis na tugon ng komedyana. Pero hirit ni Ahron, natatamaan daw ni Kakai ang harapan niya dahil napagkakamalan niya itong unan dahil malikot daw matulog. “Wala po talaga. Ganu’n lang kami, nagbubuwisitan araw-araw kahit sa mga biyahe namin,” sabi pa ng komedyana.

Kapag daw nakatapis ng tuwalya si Ahron ay nakabukol ang hinaharap nito. Natawa muna ang aktor sabay sabing, “Ang hirap naman pong itago, anong gagawin ko?”

Hindi itinanggi ni Kakai na talagang nagkagusto siya kay Ahron pero hindi niya ipinilit ang sarili, “Ako kasi ‘yung tao na sa salita lang ako malandi, eh. Pero ‘yung ako ang mauuna, hindi talaga, pramis! Kaya galit na galit ‘yung mga kaibigan ko,” kuwento ng dalaga.

Posible bang magkagusto si Ahron kay Kakai? “To be honest, hindi ako tumitingin sa panlabas na kaanyuan ng isang tao. As long as nakikita ko na may mabuting puso yung tao eto kasi mahirap e, baka ma-quote na naman, ‘ayan nagsalita na naman si Ahron, pa-fall na naman.’

“Ako kasi naniniwala ako, na yung love kasi, hindi mo naman mahahanap kung maganda ka, kung ganito ka, asta nakikita mo na yung taong kaharap mo, kasama mo, mabuti sa yo, marunong makisama, marunong makiharap, kumbaga ako, hindi ko masasabi. Mahirap magsalita nang tapos, to be honest, hindi ko alam.

“But right now, nag-eenjoy ako na after what happened sa amin two years ago, naging okey kami, maayos kami. I don’t know. We’ll never know kung anong susunod na mangyayari,” paliwanag ng binata.

Mapapanood na ang “Harry & Patty” sa Agosto 1 under Cineko Productions distributed ng Star Cinema mula sa direksyon ni Julius Ruslin Alfonso na naging direktor ng “Deadma Walking.”

Kasama rin dito sina Carmi Martin, Heaven Perelejo, Mark Neuman, Bodjie Pascua, Donna Liza Salvador Cariaga, Joe Vargas, Lou Veloso, Soliman Cruz at may special participation si Arci Muñoz.