Star Cinema inalok ng bagong movie si Kris kasama ang sikat na loveteam
KRIS AQUINO
MATATANDAANG bago umalis patungong Amerika si Kris Aquino ay nasulat niya sa kanyang blog na may titulong “Health is an Investment” na may offer sa kanya ang Star Cinema para gumawa ng pelikula.
Ang head ng Star Music na si Roxy Liquigan ang tumawag kay Kris para sa alok ng nasabing movie outfit.
Kahapon, Miyerkules ay nakitang nakipag-meeting sa executives ng Star Cinema ang staff ni Kris at Cornerstone President/CEO na si Erickson Raymundo para sa nasabing offer.
Walang binanggit sa amin ang aming source kung ano ang kinahinatnan ng meeting dahil wala nga si Kris pero ayon sa aming nabalitaan ay may makakasamang sikat na loveteam ang Queen of Online World at Social Media at inaayos na ang kanilang mga schedule.
Tinext namin si Erickson tungkol dito pero matipid ang sagot niya sa amin, “Wala pang napag-usapan kasi wala naman si Kris, nasa US.”
Paano kaya napasok si Erickson sa nasabing meeting? Tanda namin ay matagal nang inalok ni Kris ang Cornerstone honcho na tulungan siya sa kanyang karera lalo na sa digital platform pero naging abala noon ang talent manager.
Kaya nagulat kami sa sinabi ng aming source na kasama si Erickson sa meeting ng staff ni Kris for Star Cinema project. Magiging parte na ba ng KCAP ang bossing ng Cornerstone at Spring Films producer?
Malalaman nating lahat ang tungkol sa offer sa kanya ng Star Cinema at kung sino ang sikat na loveteam na makakasama niya sa pelikula pagdating niya mula Amerika.
Sabi nga ni Kris sa kanyang IG account nitong Martes ng gabi, “I was instructed to detach for the next week from certain aspects of my work (like these posts) & just focus on getting healthy. I’m obeying that’s why I chose 3 pictures I liked that felt were clean, crisp, and closest to ME now.
“There are so many career developments I’d love to share w/ all of you – but before I can embark on any of those, I must finish this journey towards total emotional, mental, and physical wellness.
“I’ll be home next week ready for new projects & adventures, until then let’s miss each other first,” sabi pa ni Kris.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.