Matteo, Sarah wala nang oras para sa isa’t isa?

SARAH GERONIMO AT MATTEO GUIDICELLI

WALANG isyu kina Matteo Guidicelli at Sarah Geronimo kung hindi man sila madalas magkita ngayon dahil sa kanilang super busy schedule.

Pagpasok pa lang ng taon ay kanya-kanya nang trabaho ang magdyowa, lalo na si Matteo na kasali ngayon sa bagong fantasy-action series ng ABS-CBN na Bagani, with Liza Soberano and Enrique Gil.

Naghahanda na rin ngayon si Sarah para sa kanyang next major concert, kaya naman talagang nabawasan ang oras at panahon nila para sa isa’t isa.

Nakachika namin si Matteo sa nakaraang thanksgiving presscon ng Bagani at dito nga niya sinabi na time management lang ang kailangan para hindi mag-suffer ang relasyon nila ni Sarah.

“Of course, there’s always time for everything. We see each other when we can. We understand naman our work and our work hours. And she’s very supportive. She’s always there for me, okay naman,” sey ni Matteo na umaani ng papuri ngayon mula sa viewers dahil sa pagganap niya bilang si Lakam sa Primetime Bida series na Bagani.

In fairness, talagang kahit na halos patayan ang taping ng Bagani, naglalaan talaga ng oras si Matteo para kahit paano’y magkaroon pa rin sila ng bonding moments ni Sarah. Siyempre, bukod sa kanyang career, kailangang nasa top priorities pa rin ng binata ang kanyang girlfriend, or else!

Masaya ring ibinalita ni Matteo na very proud sa kanya si Sarah dahil sa pagiging bahagi niya ng Bagani, “She likes it. I mean, she hasn’t seen it on TV but she saw some snippets online and she likes it also. I think everybody naman na nakapanood ng pilot week, kumbaga, makikita mo talaga na sobrang laki ng soap.”

“This show, everybody around it, they work very, very hard for it since last year, since the year before that. Talagang pinaghandaan talaga ito. We’re proud of this soap because it’s one of a kind. It’s a huge thing,” aniya pa.

Inamin din ni Matteo na ang pagganap niya bilang si Lakam sa Bagani ang isa sa pinaka-challenging na role na nagawa niya sa buong buhay niya as an actor.

“The character of Lakam is a little complex because he’s always trying to prove something. He can’t always be himself, as the soap goes, makikita n’yo ‘yung iba’t ibang challenges ni Lakam,” sey pa ng Kapamilya ng hunk actor.

Pagmamalaki pa ni Matteo sa bago nilang fantaserye, “This is the project I’m very, very proud of because everybody works so hard for this and everyone is good. They’ve conceptualized this for more than five years.”

Napapanood ang Bagani gabi-gabi sa Primetime Bida ng ABS-CBN after FPJ’s Ang Probinsyano. Kasama rin dito sina Makisig Morales, Sofia Andres, Rayver Cruz, Zaijian Jaranilla, Ryan Eigenmann, Diether Ocampo at marami pang iba. Ito’y sa direksyon nina Richard Arellano, Lester Pimentel at Raz dela Torre.