3 patay sa sunog sa isang printing shop sa Quiapo
TATLO ang patay matapos sumiklab ang sunog sa isang printing shop sa Quiapo kaninang umaga.
Nabigong makalabas ang tatlong empleyado ng Lumandas Printing Shop na matatagpuan sa kahabaan ng Recto ave. na nangyari ganap na alas-4 ng umaga. Naapula ang apoy makalipas ang isang oras.
Nakilala ang mga biktima na sina Joel Iba, 50; Benjie Solis, 27; at Ronald Obiedo, 49.
Isinagawa ang Christmas party ng mga empleyado gabi bago mangyari ang sunog, ayon sa may-ari ng printing press na si Renato Galicia.
Natulog ang ilang empleyado sa printing shop matapos malasing, sabi pa ni Galicia.
Inaalam pa ng mga otoridad ang sanhi ng sunog, bagamat sinabi ni Galicia na posibleng ito’y mula sa naiwang nakasinding sigarilyo o ang videoke machine na naiwang nakabukas ng tatlong natulog sa printing shop. Inquirer.net
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.