Inigo nakawala na sa anino ni Piolo; waging-wagi sa BillboardPH | Bandera

Inigo nakawala na sa anino ni Piolo; waging-wagi sa BillboardPH

Reggee Bonoan |August 28,2017
facebook
share this

Inigo nakawala na sa anino ni Piolo; waging-wagi sa BillboardPH

Reggee Bonoan - August 28, 2017 - 12:10 AM

ILANG taon palang si Inigo Pascual bilang singer ay nakikipagsabayan na siya sa magagaling na recording artists sa bansa. Ilang linggong nag-number one sa Billboard Philippines Top 20 at Hot 100 ang awitin niyang “Dahil Sa ‘Yo” simula pa noong Hulyo.

Hindi rin naman inakala ng binatilyo na tatagal ng ganito ang “Dahil Sa ‘Yo” sa Philippine charts at dahil dito ay patuloy na bumebenta ang album ng anak ni Piolo Pascual, kabilang na sa iTunes at Spotify.

Sinubukan din ni Inigo na umarte sa harap camera tulad ng ilang guestings sa Maalaala Mo Kaya, Wansapanataym, sa mga pelikulang “Relaks, It’s Just Pag-Ibig” (2014) at “Para Sa Hopeless Romantic” (2015).

Kamakailan lang ay inimbitahan si Inigo para sa unang TFC tour niya at ang ganda ng reception at feedback sa bagets kaya naman sa mga susunod na events sa ibang bansa ay kasama na ang binatilyo.

Kaya masasabi na namin ngayon na nakawala na rin siya sa wakas mula sa anino ng kanyang ama.

Pagdating sa lovelife ay hindi malinaw kung sila na ni Maris Racal dahil nali-link din ang dalaga kay Diego Loyzaga na naging malapit din kay Sofia Andres na ex-girlfriend naman ni Inigo.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending