Liza sa bashers: Patutunayan ko po na kaya kong maging Darna!

SA launching ng Megaproplus & Megasound Karaoke System na bagong ineendorso ni Liza Soberano ay nahingan siya ng reaksyon na sa dami ng gustong gumanap na Darna sa pelikula ay siya ang napili ng Star Cinema.

“Well, of course, I’m happy. At first, when they announced na ako ‘yung magda-Darna, I was very overwhelmed.

“And of course, there are some good opinions, there are some who don’t agree. But, you know, I have to respect everybody’s mind,” sabi ng aktres.

Pero may mga taong kontra rin sa pagganap niya bilang Darna dahil meron silang ibang minamanok para sa nasabing proyekto.

“If they don’t think I’m the right one to be Darna, then so be it. I respect that. But I still want to prove to everybody that I am the right one to be Darna, that I can do it, that I’m trying to do my best,” katwiran ng dalaga.

Boses ba ni Liza ang gagamitin para sumigaw ng Darna? “Well, hindi ko po siya pina-practice. Nahihiya ako sa sarili ko na i-practice siya kasi hindi ko pa alam kung anong tamang way talaga. But, if they tell me na ako talaga yung sisigaw ng Darna, then I will do it,” sabi pa ng dalaga.

Millennial baby si Liza kaya wala siyang alam kung sino talaga si Darna kaya nu’ng inanunsyong siya na ang gaganap sa karakter ng classic Pinoy heroine ay talagang nag-research siya para magkaroon ng ideya.

Bukod dito ay pinanood pa ng dalaga ang “Wonder Woman” na hawig din sa papel na Darna. Panay ang ensayo ni Liza sa gym at pati dancing ay kasama sa pina-practice ng aktres.

“Kasi siyempre ‘yung technique ng galaw at kilos ni Darna, kailangan perfect ‘yung timing,” katwiran ng manager ng aktres na si Ogie Diaz.

Tinanong naman ang mga may-ari ng karaoke system na ineendorso ni Liza na si Mr. Andy Co kung bakit si Liza ang kinuha nilang unang celebrity endorser, “We chose Liza, not only because we believe that she best represents our brand but also because she embodies the millennial Filipino, ambitious, talented, very hardworking, and most importantly– loves to sing in her free time.”

At hindi lang pala maganda at marunong umarte si Liza, marunong din siyang kumanta at ipinarinig niya ito sa ginanap na presscon.