Quantcast

Si pare problemado sa mga partners; di pwedeng ma-stress, magpuyat

By

PINAGPAPAHINNGA muna ng kanyang mga doktor ang isang sikat na pulitiko dahil lately ay nagiging masasakitin siya.

Noong mga nakalipas na buwan ay ilang beses na ring na-confine sa ospital si Sir pero pilit nila itong itinago sa publiko.

Nagkakagulo kasi ang kanyang mga pamilya sa kung sino ang magbabantay kay Sir, pero siyempre prayoridad dito ang orig na pamilya.

Dahil sa kanyang edad ay pinagbabawalan na ang ating bida na magpuyat at pinaiiwas na rin siya sa mga stressful na bagay.

Pati ang kanyang bisyong paninigarilyo at pag-inom ng alak ay bawal na rin, ayon sa kanyang mga manggagamot.

Marami rin ang nakapansin sa biglang pangangayayat ni Sir, at halatang meron siyang sakit bukod pa sa pagiging baluktot ng kanyang tindig na malinaw umanong kaso ng osteoporosis.

Minsan na rin siyang sumailalim sa isang bone operation dahil sa kanyang knee injuries ilang taon na ang nakalilipas kaya medyo naging maganda ang kanyang paglalakad, pero unti-unti na ring bumabalik ang kanyang paika-ikang mga hakbang.

Kung dati ay kilala siya sa pang-aasar sa kanyang nakalaban sa pulitika na may edad na rin, ngayon ay hindi na niya ito ginagawa makaraan siyang hamunin sa takbuhan ng nasabing matandang pulitiko.

Sa ngayon ay busy si Sir sa palipat-lipat na bahay dahil sa dami ng kanyang mga minamahal sa buhay.

Pero sinabi ng kanyang mga doktor na may masamang epekto rin ito sa kanyang kalusugan lalo’t iniisip niya kung ano ang magiging buhay ng mga ito sakaling bigla siyang kunin ni Lord.

Sinabi ng ating Cricket na pati ang kanyang mga partners ay pinoproblema ni Mr. Politician dahil tiyak daw na magkakagulo ang mga ito kapag may nangyari sa kanya lalo na sa kasalukuyang kundisyon ang kanyang kalusugan.

Ang pulitiko na naging masasakitin sa mga nakalipas na araw at pinagpapahinga muna ng kanyang mga doktor ay si Mr. E….as in El Presidente.

Complete stories on our Digital Edition newsstand for tablets, netbooks and mobile phones; 14-issue free trial. About to step out? Get breaking alerts on your mobile.phone. Text ON INQ BREAKING to 4467, for Globe, Smart and Sun subscribers in the Philippines.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

Copyright © 2017,

To subscribe to the Philippine Daily Inquirer newspaper in the Philippines, call +63 2 896-6000 for Metro Manila and Metro Cebu or email your subscription request here.

Factual errors? Contact the Philippine Daily Inquirer's day desk. Believe this article violates journalistic ethics? Contact the Inquirer's Reader's Advocate. Or write The Readers' Advocate: c/o Philippine Daily Inquirer Chino Roces Avenue corner Yague and Mascardo Streets, Makati City, Metro Manila, Philippines Or fax nos. +63 2 8974793 to 94





TODAY'S ISSUE OF BANDERA

Advertisement