Mega mas ganado at inspiradong magtrabaho ngayon

PAYATna nga si Megastar Sharon Cuneta base sa ipinost niyang litrato sa Facebook nitong nagdaang weekend.

“Earlier today in AbsCbn for pictorials and VTRs with Gary V. and Ogie A. For Your Face Sounds Familiar Kids. Mag uumpisa na po sa Jan 7 and 8 2017. (This is an unretouched, unedited Photo, ok?),” ang inilagay niyang caption sa kanyang “sexy” photo.

Sabi sa amin ng isang taga-production ay nakapasaya ni Sharon habang ginagawa ang pictorial para sa Your Face Sounds Familiar Kids. Mas inspired at mas ganado raw magtrabaho ngayon ang Megastar.

Mahilig kasi talaga sa bata si Sharon kaya nga isa siya sa gustung-gusto ng lahat bilang judge sa The Voice Kids, bukod pa riyan ang “asaran” nila ng dalawa pang judges na sina Bamboo at Lea Salonga.

At sa Your Face Sounds Familiar Kids ay swak din sina Sharon at Ogie Alcasid dahil pareho silang komikero kung ikukumpara kay Gary na medyo seryoso.

Bukod dito ay inspired din si Sharon dahil malapit na ang balik-tambalan nila sa pelikula ni Gabby Concepcion under Star Cinema. Kaya sa mga loyalista ng Gabby-Sharon loveteam, congrats dahil natupad na ang matagal n’yo nang hinihiling.