UV Express bawal na sa Edsa; trapik luluwag na kaya?
ASAHAN na ang bahagyang pagluwag ng daloy ng trapiko sa EDSA matapos magpalabas ng kautusan ang Land Transportation Franchising and Regulatory Board (LTFRB) na nagbabawal sa mga UV Express na dumaan sa nasabing kalsada.
Base sa Memorandum Circular Number 2016-009, na may petsa noong Hulyo 28, 2016, inamiyendahan ng LTFRB na hindi na pwedeng mamasada ang mga UV Express van sa mga itinalagang ruta kabilang dito ang EDSA.
Ayon kay MMDA chairman Emerson Carlos, sa hakbangin aniya ng LTFRB, magiging epektibo ang pagpapatupad nito sa unang linggo ng buwan ng Agosto sa sandaling matapos mailathala ang kautusan sa mga pahayagan na may general circulation.
“Yes it will help decongest traffic on EDSA,” ayon kay Carlos.
Ayon kay Carlos kapag epektibo na ang pagpapatupad ng LTFRB sa pagbabawal sa mga UV Express, mahigpit na babantayan ng mga enforcer ng MMDA ang EDSA laban sa mga ito at kapag nahuli ang mga ito ay papatawan ng “out-of-line” na may malaking multa.
Kaya’t payo ni Carlos sa mga UV express service commuters at operators, kinakailangan nila aniyang mag-adjust sa kautusang ito ng LTFRB.
“It would really be an inconvenience but they can make use of alternate routes to reach their destinations aside from EDSA,” dagdag pa ni Carlos.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.