Wish ni Kris kay P-Noy: Magkaroon na sana ng lovelife

HAYAN babalik na si Kris Aquino sa showbiz dahil sa post niyang, “I’ll be back” sa kanyang Instagram account noong Huwebes.

Pero mukhang lilimitahan na ng Queen of All Media ang tungkol sa kanya base na rin sa post niyang, “3 Thing to Keep PRIVATE: Lovelife, Bank Account at Next Move. “I belong to myself, but you can borrow me sometimes, Apart from some endorsement commitments this July, I’m going to try being quiet & private, let’s see how long it lasts?”

Natawa kami sa huling sinabi ni Kris na “let’s see how long will it lasts” ang pagiging tahimik at pribado niya dahil ibig sabihin siya rin mismo sa sarili niya ay hindi rin siya sigurado. Nasulat na namin dati na travel show ang gustong format ni Kris para sa next project niya sa ABS-CBN at dahil lumabas na ito, baka ibahin na lang dahil gusto nga ng TV host na maging quiet at private.

Hindi naman kami sinagot ng taga-ABS-CBN kung nag-renew na ng kontrata ang Queen of All Media. Samantala, pagbalik ni dating Presidente Noynoy Aquino sa kanyang bahay sa Times Street, Quezon City ay nag-post si Kris ng litratong magkakasama silang apat nina Josh at Bimby, “Last IG Moment before Noy starts to enjoy his quiet life & by God’s grace may true & lasting love find him.”

Nagpa-picture at pinasalamatan ni Kris ang buong grupo ng Presidential Security Group o PSG na nagsilbi sa pamilya Aquino sa loob ng anim na taon. “Last picture w/ our team. They all have new assignments, dropping us off in Times was the last part of their duty. Having experienced this 24 years ago in 1992 prepared me for all the emotions of today, 2016. To quote a favorite song, ‘And if being real means you’ll someday say goodbye, remember my friend goodbye’s not the end, it’s a circle you know and it starts with one hello’! #ProudPinoy.”

Nakaramdam kami ng lungkot sa pinost ni Kris na habang paalis na si P-Noy ng Malakanyang dahil ang background music na ginamit ay, “Kay Sarap Palang Maging Pilipino” at hinatid siyang pababa ng handanan ni President Rodrigo Duterte.

At habang papaalis na ang sasakyan ni P-Noy ay naka-hand salute lahat ng PSG at pulis habang dumaraan ang sinasakyan niya. At ang huling ipinost ni Kris noong inauguration ay ang photo kung saan magkatabi sina P-Noy na citizen Noy na ngayon at President Digong na may caption na: “The essence of DEMOCRACY.”