Charo Santos pumayag makasama sa Cinema One Filmfest entry ni Lav Diaz

MAGBABALIK-PELIKULA si ABS-CBN Chief Content Officer Charo Santos-Concio. Makalipas nga ang napakaraming taon ng pamamahinga sa akting, pumayag ang host ng Maalaala Mo Kaya na bumida sa pelikula ng award winning director na si Lav Diaz.

Si Lav ang nagdirek ng “Hele Sa Hiwagang Hapis” released through Star Cinema starring Piolo Pascual at John Lloyd Cruz na nagwagi ng Silver Bear Award sa 2016 Berlin International Film Festival. Sa presscon para sa seleberasyon ng 25th anniversary ng longest-running drama anthology sa bansa, ang Maalala Mo Kaya, kinumpirma ni Ms. Charo ang muli niyang pag-arte sa big screen.

“Yes, it’s true,” mabilis na sagot ng MMK host. Katatapos lang daw nilang i-shoot ni direk Lav ang pelikulang “Ang Babaeng Humayo” na magiging bahagi ng Cinema One Film Festival. “When he came back from Berlin, he asked me if I would reconsider going back to acting and I said, ‘yeah, why not? If there’s a good offer, no?

“If it’s an interesting character’ and parang two days after the talk, he sent me a script and ‘nung binasa ko, nagustuhan ko siya,” kuwento pa ng ABS-CBN executive. Sinabi pa nitong natapos nila ang pelikula sa loob ng 10 araw.

Kasama sa presscon ng 25th anniversary ng MMK ang Star Creatives Chief Operating Officer na si Ms. Malou Santos, siniguro pa nito sa mga manonood na, “Definitely, you’ll see a new Charo at magugulat kayo sa role na ginampanan niya.”

Nang matanong naman si Ms. Charo kung magtutuluy-tuloy na ang pagbalik niya sa akting, sagot ng President of ABS-CBN University and executive adviser to ABS-CBN’s Chairman, “I just go with the flow, I don’t really plan. I don’t plan anything parang whatever the universe offers me now, if my heart and my gut think it’s the right thing to do and I will have fun and I will have a great adventure then I’m open to it. It’s not a conscious decision… I really just go with the flow.”