True ba, Cristine 2 buwang buntis, hirap sa paglilihi?
Trulili ba na buntis daw uli ng dalawang buwan si Cristine Reyes? Paalis na kami sa presscon ng pelikulang “Elemento” nang may mag-text sa amin na buntis daw uli ang aktres sa second baby nila ni Ali Khatibi kaya hindi na namin ito naitanong.
Actually, maraming nakapansin kay Cristine sa presscon kung bakit payat siya at humpak ang pisngi, hindi naman kasi ganu’n ang itsura nito noong buntis siya sa panganay niyang si Amara?
Inisip na lang namin na baka pagod at kulang sa pahinga si AA (palayaw ni Cristine) dahil nga nag-segue siya sa taping ng Tubig At Langis at shooting ng “Elemento.” Kuwento pa sa amin, nahihirapan daw maglihi ngayon si Cristine kaya iba ang itsura niya.
Anyway, nagpapasalamat ang aktres sa ABS-CBN dahil ipinagtanggol siya sa gusot nila ni Vivian Velez na kasalukuyang nasa ibang bansa. Anyway, mapapanood na ang “Elemento” sa Abril 6 mula sa direksyon ni Mark Meily, produced by Viva Films. Kasama rin sa pelikula sina Jake Cuenca, Albert Silos at Elizabeth Oropesa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.