Personal na gamit nina Alden, Carla, Tom at Dennis ibebenta sa celebrity ukay-ukay

SA ikalawang pagkakataon ay pangungunahan nina Tom Rodriguez at Carla Abellana ang Celebrity Ukay-Ukay na ilulunsad sa World Trade Center ngayong araw, Nov. 26.

Mga pre-owned at exclusive items mula sa iba’t-ibang artista at news personalities ang ipagbibili upang makatulong sa mga proyekto ng GMA Kapuso Foundation para sa underprivileged Filipino children.

“Making a difference in the lives of others takes hard work, perseverance, and a lot of heart,” ayon kay GMAKF EVP and COO na si Mel Tiangco. “We are grateful for Tom and Carla’s continued generosity, as well as that of our other celebrity donors, because their support has been instrumental in the fulfillment of the Foundation’s many projects.”

Sa kabila ng pagiging busy sa kanyang shows na Ismol Family, Del Monte Kitchenomics, Karelasyon at ang upcoming serye na Because of You, nagawa pa rin ng Kapuso actress na maglaan ng oras u-pang pumili ng mga item na ibebenta o i-auction sa Celebrity Ukay-Ukay at maghikayat ng mga kapwa artista na mag donate.

“Always a pleasure to lend a hand. With God’s help, Tom and I will work harder this year so GMA Kapuso Foundation can build more classrooms and more schools,” pahayag ni Carla sa kanyang Instagram account.

Nagpasalamat din si Tom sa kanilang mga kaibigan sa industriya na nagbigay ng donasyon, “Napakalaking tulong ang ibinibigay ninyo sa mga kababayan nating nasalanta ng bagyong Yolanda, maging ang lahat ng mga ti-nutulungan ng GMA Kapuso Foundation ay nagpapasalamat din sa inyo,” ayon sa Marimar leading man.

Bukod kina Tom at Carla, ang mga iba pang Kapuso artists na tumulong sa proyekto ay sina Christian Bautista, Dennis Trillo, Alden Richards, Betong Sumaya, Joyce Ching, Chariz Solomon, Kevin Santos, Jessa Zaragoza at Eugene Domingo.

Pati ang GMA News and Public Affairs personalities tulad nina Arnold Clavio, Rhea Santos, Susan Enriquez, Suzi Entrata-Ab-rera, Nelson Canlas, Lhar Santiago, Cesar Apolinario at Nathaniel “Mang Tani” Cruz ay nag-donate rin ng pre-loved items.

Kaya sugod na sa Tom and Carla’s Celebrity Ukay-Ukay booth simula ngayong araw hanggang Nov. 30 sa World Trade Center, at Dec. 18-20 naman sa SMX Convention Center. May celebrity auctions din na magaganap bawat bazaar weekend.