Maria Ozawa binastos ng netizens; Robin humiling ng dasal para sa anak na triplets
MARIA OZAWA AT ROBIN PADILLA
Kawawa si Maria Ozawa sa ilang bashers dahil sa pagtawag niya kay Robin Padilla ng “unprofessional” matapos itong umatras sa MMFF 2015 entry na “Nilalang” kung saan makakasama nga niya ang Japanese porn star.
Nauna rito, sinagot muna ni Binoe sa pamamagitan ng kanyang Facebook account ang isyu ng pagiging “unprofessional”, at binigyang-diin ang responsibilidad niya sa kanyang asawang si Mariel Rodriguez na nagdadalang-tao nga ngayon.
Sabi ni Binoe, “Unprofessional to people like Maria Ozawa but for me, a real man with gentle heart to give way to her wife’s delicate condition. If you think Robin is unprofessional, then I think you are selfish.”
Ilang sandali lang ay marami na agad ang nag-comment dito, karamihan ay kampi kay Binoe at ang iba naman ay kung anu-anong masasamang komento ang ipinost laban kay Maria Ozawa, partikular na ang pagiging porn star nito sa Japan.
At dahil nga rito, napilitan uling mag-post si Robin ng mensahe para sa kanyang followers, “You have expressed your thoughts already and displayed your undying support to my wife loudly, which I am thankful on some, but shocked/protested on many.
“My dear fellow Mariel loyalists, my little sisters in the Katipunan, it will be wiser for you to stop first because truly our camp is at fault. Let the camp of Ms Maria Ozawa voice out their pain, it’s natural, it’s organic,” sabi pa ng action star.
Hiniling pa ni Robin sa madlang pipol na ipagdasal ang triplets nila ni Mariel, “Again pray for my 3 in 1. Peace be with us all.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.