Goma gusto pang magka-baby kay Lucy: Sana baby boy na!
LUCY TORRES AT RICHARD GOMEZ
Ipinagdarasal pa rin ni Richard Gomez na biyayaan pa sila ng asawang si Lucy Torres ng isa pang baby.
At sana raw, lalaki naman para magkaroon ng baby brother ang panganay nilang si Juliana.
Sa interview ng ABS-CBN kay Goma, sinabi nitong, “We’ve been working on it. We’re still working on it. If it comes, then good. Siguro boy naman kasi may girl na, eh. Someday, hopefully.”
In fairness, 14 years old na raw si Juliana at kahit ang dalagitang anak nina Goma at Lucy ay gustung-gusto na ring magkaroon ng kapatid.
Nang matanong naman ang aktor kung pwede na bang makipag-date ang anak, tugon ni Goma, “I think she is too young to go out on dates. She’s only 14. Let her remain a child first. Because going out, that could happen in years to come but now she needs to focus more on her studies. She can indulge herself in sports.”
Samantala, busy ngayon si Richard sa pagpo-promote ng latest movie nila ni Dawn Zulueta under Star Cinema, ang “The Love Affair,” kung saan kasama rin nila si Bea Alonzo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.