Sona 2015 Fashion: Nancy Binay pinili ang ‘boring,’ ‘simpleng’ gown

MATAPOS maging laman ng mga komento ng mga netizen, kaugnay ng kanyang suot na gown noong nakaraang taon, nagdesisyon si Sen. Nancy Binay na magsuot ng isang “boring,” “simple” at hindi gaanong makulay na kulay asul na gown nang siya ay tumalo sa pagbubukas ng sesyon ng Senado ngayong araw.

“’Di ba parang ang boring? Next time na ‘yung panggulat ulit,” sabi ni Binay.
Matatandaang na-bash si Binay ng mga netizen matapos magmukhang hot air balloon sa kanyang kasuotan na isang Barong Tagalog na palobo ang pang-ibaba na ginawa ng sikat na designer na si Randy Ortiz.
Idinagdag ni Binay na para makaiwas sa pintas, pinabayaan na lamang niya ang kanyang designer na pumili ng kanyang isusuot sa pagbubukas ng sesyon.

“I mean last year, s’ya (Ortiz) talaga ang natamaan sa pagkakamali ko. So, parang this is my way, pambawi ko ba sa kanya,” idinagdag ni Binay.