Chris Brown nagbanta, reresbakan ang mga taga-INC?

Nakakaloka ang iskandalo at kontrobersya ngayon sa hanay ng mga kapatid nating namumuno sa Iglesia Ni Cristo.

Nagkasunod-sunod talaga ang mga issue sa kanila. Nandiyan na ang pinag-usapan kahit sa abroad na pagkakaharang kay Chris Brown sa airport dahil sa problema niya sa INC na may kinalaman sa pera.

Noong Biyernes ay pinayagan na ring makalabas ng bansa ang international singer matapos ayusin ang ilang dokumento niya pero nagbanta diumano ito na hindi niya matatanggap ang ginawang pagpigil sa kanya sa airport at kailangan daw may managot.

Tungkol naman sa kaguluhang nangyayari ngayon sa liderato ng INC, marami ang nagsasabi na posibleng magkawatak-watak na ang mga miyembro ng Iglesia kapag hindi naayos agad ang mga problema.

Ilang artistang kabilang sa INC ang tinanong naming kung ano ang kanilang komento sa kontrobersiyang kinasasangkutan ng kanilang mga lider pero habang sinusulat naming ang balitang ito ay wala pang sumasagot sa aming text at tawag.