Maja sa nawasak na relasyon nila ni Gerald: Durog talaga ako du’n!

Abut-abot ang pasalamat ni Maja Salvador sa dalawang leading man niyang sina Jericho Rosales at Paulo Avelino nu’ng time na broken hearted siya kay Gerald Anderson, sabi nga niya, “Nadurog ako no’n!”

“Sila (Echo at Paulo) ‘yung nagpa-realize kung paano ko i-value ‘yung sarili ko, ‘yung worth ko, naghare sila ng mga experiences nila about love ganyan, at since sila ‘yung nakakasama ko everyday at kaibigan ko naman sila so nakapag-open up ako.

“May mga nai-share rin sila, pero ayoko na lang sabihin kung ano ‘yung sini-share nila sa akin at maganda. At the end of the day, malaki ‘yung naitulong nila,” kuwento ng aktres.

“Masaya na ako ngayon,” ito ang one-liner ni Maja nu’ng tanungin namin kung durog pa ang puso niya pagkatapos ng Bridges of Love presscon.

Hindi naman daw pinagsisihan ni Maja ang naging relasyon nila ni Gerald, “Wala, sabi ko naman di ba, kung lalaban ka, lumaban ka, manalo o matalo.

Masakit din naman ang mga napagdaanan ko, pero you just need to accept it para talagang maging okay ka.”

At kaya mabilis na nakare-cover si Maja at maagap niyang naintindihan ang lahat ng nangyari ay dahil, “Kasi siguro napapaligiran ako ng mga taong mapagmahal talaga at sa pamilya ko, hindi naman kulang ‘yung pagi-intindi nila at pagmamahal na ibinibigay nila,” katwiran niya.

Isa pang maganda sa aktres ay never daw siyang nagtanim ng galit o sama ng loob sa kaibigan niya, “Never kasi ayokong i-regret na naging ano, boyfriend mo ‘yan o naging kaibigan mo ‘yan o ginawa ko ‘tong work na ‘to.

Never akong nagsisi kasi simula’t simula, ginusto mo ‘yun, eh, so wala kang puwedeng i-regret o isisi kasi choice mo rin ‘yun.”

Kaya sa tanong kung handa na ba siyang magmahal ulit, “Papunta palang ako sa bridge.” Sa pagtatapos ng Bridges of Love sa direksiyon nina Richard Somes at Will Fredo, ay sino ang pipiliin ni Maja kina Gael (Jericho) at Carlos (Paulo), “Nahihirapan na nga ako kapag magkakasama kami sa eksena, parehong mainit,” tumatawang sagot ng aktres.