Luis Manzano hindi pa tiyak na tatakbo sa 2016 elections

INAMIN ni Luis Manzano na wala pa siyang konkretong plano kung papasok na siya sa politika at tatakbong mayor ng Lipa City sa darating na halalan.
Sa kanyang tweet ni Manzano sa Bandera, hindi pa niya tiyak kung sasabak nga siya politika.
“Still uncertain,” ang simpleng sagot ni Manzano sa Bandera sa kanyang twitter handle na @luckymanzano.
Bago ito ay itinanggi rin ng TV host na nakipag-gera siya sa isang basher matapos siyang tawagin nitong bakla.
Sa tweet nito sa Bandera, iginiit ni Manzano na: “Di naman gera yun, it was just having a good laugh with someone filled with hate smile emoticon it was fun for me wink emoticon”.
Sinabi rin nito na hindi siya gaya ng ibang artista na kayang i-ignore ang mga bash at pang-ookray sa kanya.
“Some artists choose to purely ignore while some ignore or retaliate, i’m the latter smile emoticon,” ayon pa kay Manzano sa tweet niya sa Bandera.