HINDI puwedeng palagpasin ang magandang ipinakikita ni University of Perpetual Help guard Earl Scottie Thompson matapos angkinin ang pangalawang triple-double sa 91st NCAA men’s basketball.
Iginawad kay Thompson ang ACCEL Quantum/3XVI NCAA Press Corps Player of the Week citation nang tulungan ang Perpetual Help sa pang-apat na sunod na panalo sa 84-70 panalo sa San Sebastian noong Biyernes.
Naghatid ang nagdedepensang MVP ng 21 puntos, 15 rebounds at 14 assists para itala ng koponan ni coach Aric del Rosario ang kanyang kauna-unahang 4-0 panimula.
“Lahat sila ay nagpapakahirap sa ensayo kaya sinasabi ko sa kanila na kung libre sila ay hahanapin ko sila at ready to shoot na sila,” wika ni Thompson na naghahatid ng 14 puntos, 12.2 rebounds at 9.5 assists sa unang apat na laro.
Siya ang ikalawang Altas na nabigyan ng citation dahil ang nauna ay si Nigerian import Bright Akhuetie.
Dalawa pa lamang ang nabibigyan ng Player of the Week dahil nahinto ang liga sa loob ng isang linggo bunga ng pagsama ng panahon.
Si Akhuetie ay ikinonsidera rin matapos ang 20 puntos at 23 rebounds laban sa Stags bukod pa kay all-around guard Jiovani Jalalon ng Arellano University.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.