Billy sobrang payat na: Kailangan, e, lalo na pag mas bata ang GF mo!

GRABE pala talaga ang ipinayat ngayon ng international singer-TV host na si Billy Crawford. Nagulat kami sa pagliit ng katawan niya noong batiin niya kami sa It’s Showtime.

Lumiit ang mukha ni Billy at numipis ang kanyang katawan. Hindi lang namin na-sight kung may abs din siya tulad ng kanyang girlfriend na si Coleen Garcia.

Syempre, curious kaming malaman kung ano’ng ginawa ni Billy para pumayat siya ng ganoon. Kaya may I ask kami after ng It’s Showtime kung ano’ng klaseng pagda-diet ang ginawa niya.

“Kailangan (mapapayat), e, lalo na kapag ang girlfriend mo mas bata sa ‘yo,” sabay tawa ni Billy.
Kung hindi kami nagkakamali, 10 years ang age gap nina Billy at Coleen.

Not bad considering na sa katapat naman ng programa nila na Eat Bulaga, ‘di lang 20 years ang agwat ng edad ni Vic Sotto sa girlfriend niyang si Pauleen Luna.

Bukod sa edad, kailangan ding lumebel ni Billy sa napakaseksing si Coleen with matching abs pa, huh! Aware and proud si Billy sa katawan ni Coleen.

Kaya naman siguro na-inspire din siya na magpapapayat. In fairness, mas mukhang bata ngayon si Billy kesa nu’ng medyo tabatsing-tsing siya.

At least, parehong nagtutulungan ang magkasintahan for their complete well-being. Keep it up Billy & Coleen!