WALANG nanalo sa P247.6 milyong jackpot prize ng Grand Lotto 6/55 sa bola noong Lunes ng gabi. Ayon sa Philippine Charity Sweepstakes Office posibleng umabot sa P260 milyon ang jackpot sa bola nito sa Miyerkules. Walang nakakuha sa mga lumabas na numerong 9-11-37-45-20-44 sa bola noong Lunes. Umabot sa P60.9 milyon ang itinaya sa naturang bola, mas mataas kaysa sa kadalasang dami ng itinataya. Nanalo naman ng tig-P138,580 ang 22 mananaya na nakalimang numero. Tig-P1,480 naman ang 1,644 mananaya na nakaapat na numero at balik-taya (P20) ang 37,846 mananaya na nakatatlong numero. Ang Grand Lotto ay binobola tuwing Lunes, Miyerkules at Sabado. Nagkakahalaga ng P20 ang taya sa bawat anim na numerong kumbinasyon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.