Featured Stories

KINAMPIHAN ng mga kongresista mula sa administrasyon at oposisyon si Senador Grace Poe matapos kaugnay ng alegasyon ng kaalyado ni Vice President Jejomar Binay na diskuwalipikado itong tumakbo dahil sa kanyang kwetyunableng residency.

Ayon kay House minority leader at San Juan Rep. Rolando Zamora hindi basta nawawala ang ‘residency’ ang isang Filipino dahil naninirahan siya sa ibang bansa. “Basically residency is not established by a physical presence,” ani Zamora na isang bar topnotcher. “The moment you have residency through living in the Philippines which means domicile, you don’t lose it simply because you went to the States as in the case of Senator Poe. So don’t even lose it even if you stay for an extended number of years.” Si Poe ay iniwan sa labas ng simbahan sa Jaro, Iloilo at inampon ni Fernando Poe Jr. Noong Martes, sinabi ni United Nationalist Alliance interim president at Navotas Rep. Toby Tiangco na diskuwalipikadong tumakbo si Poe sa 2016 presidential elections dahil ang kanyang residency sa bansa ay wala pang 10 taon. Ayon naman kay Eastern Samar Rep. Ben Evardone, miyembro ng Liberal Party, hindi si Tiangco ang magdedesisyon kung hindi makakatakbo si Poe. “UNA’s claim that Sen. Poe is not qualified leaves a bad taste as it came after she rejected its invitation to be the running mate of VP Binay and after she signed the Senate Blue Ribbon subcommittee report recommending plunder charges against Binay and 8 others,” ani Evardone. “Besides it is the Comelec, certainly not UNA, that is the sole arbiter on who is qualified to run for public office.”