Jackpot prize sa Grand Lotto 6/55 aabot na sa P111M
Inaasahang aabot sa P111 milyon ang jackpot prize ng Grand Lotto 6/55 sa bola nito Lunes ng gabi.
Ayon sa Philippine Charity Sweepstakes Office, ang operator ng lotto, walang tumaya sa mga lumabas na numerong 18-29-7-8-32-45 sa bola noong Sabado ng gabi.
Nagkakahalaga ng P105.5 milyon ang jackpot prize noong Sabado at umabot sa P31.1 milyon ang halaga ng itinaya.
Nanalo naman ng tig-P129,790 ang 12 mananaya na nakakuha ng lima sa anim na lumabas na numero.
Tig-P1,240 naman ang 997 mananaya na naka-apat na numero at balik-taya (P20) ang 23,266 mananaya na nakatatlong numero.
Ang Grand Lotto ay binobola tuwing Lunes, Miyerkules at Sabado. Nagkakahalaga ang taya ng P20 sa bawat anim na numerong kumbinasyon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.