Daniel, Kathryn nang-agaw ng eksena sa concert ni Katy Perry; Kathniel nagpiyesta

KUNG super nag-enjoy ang mga Pinoy fans sa one-night concert ng international singer na si Katy Perry sa Philippine Arena sa Bulacan noong Huwebes, nagpiyesta rin nu’ng gabing ‘yun ang mga tagahanga nina Daniel Padilla at Kathryn Bernardo.

E, kasi nga, nanood din ang Teen King & Queen sa bonggang concert ni Katy Perry, at talagang marami ang nagpatunay na sweet na sweet ang dalawa habang nag-eenjoy sa panonood ng show. Talagang pinagkaguluhan din ng audience ang dalawang teens stars ng Kapamilya network.

Kumbaga, hitting two birds with one stone ang drama ng mga KathNiel supporters – narinig at nakita na nila ng personal ang sikat na sikat na Hollywood singer na si Katy Perry, nakita pa nila up close and personal sina Daniel at Kathryn.

At dahil sa dami ng litratong ipinost ng KathNiel fans sa social media na kuha habang nakikikanta at nakikisayaw sina Daniel at Kathryn kay Katy Perry, agad ding nag-trending ang “#KathNielConcertDate” sa Twitter.

Meron ding kaming nakitang litrato ni Kathryn kasama ang best friend niyang si Julia Montes at ang Kapamilya actress na si Dimples Romana.

Mas magiging busy na rin ngayon sina DJ at Kathryn dahil nagsimula na silang mag-taping para sa bago nilang serye sa ABS-CBN ang remake ng Pangako Sa ‘Yo na mapapanood na sa Primetime Bida simula sa May 25.