Isabelle Daza walang planong pakasalan ang French boyfriend

Wala pa sa isip ni Isabelle Daza ang magpakasal, at lalong wala pa siyang balak magka-baby.

Sey ni Belle sa pocket presscon na ibinigay sa kanya ng Dreamscape Entertainment para sa unang teleserye niya sa ABS-CBN, ang family fantasy series na Nathaniel, matagal pa bago niya pakasalan ang kanyang French boyfriend.

“Napag-uusapan namin ang wedding pero walang serious talk. Bata pa naman kami and marami pa kaming priorities sa buhay. I must admit, I’m not ready to get married, and I’m sure hindi pa rin siya (boyfriend) handa,” chika ni Belle na mapapasabak na nga sa matinding drama sa seryeng Nathaniel kung saan makakasama niya sina Gerald Anderson and Shaina Magdayao.

Samantala, isang malaking challenge kay Belle ang role niya sa Nathaniel, gaganap siyang abogada sa serye kaya talagang nag-research siya at inaral nang bonggang-bongga ang kanyang karakter.

“Sobrang excited ako na mapabilang sa teleseryeng ito dahil mahuhusay at talented lahat ng actors na makakasama ko. Ayokong mapag-iwanan, kaya mas nakaka-challenge para sa akin na gawin nang maayos ‘yung role ko at patunayan ‘yung sarili ko bilang isang aktres,” ani Belle.

Makakasama rin sa sina Pokwang, Benjie Paras, Jayson Gainza, Ogie Diaz, Sharlene San Pedro, Jairus Aquino, Yesha Camile, Fourth at Fifth Solomon, at Coney Reyes, sa direksyon nina Darnel Joy Villaflor at Francis Pasion.

Ito’y sa produksiyon pa rin ng Dreamscape Entertainment TV at magsisimula na ngayong Abril.