Sarah enjoy na enjoy sa Balesin Island; kasama kaya si Matteo?

HALATANG enjoy na enjoy si Sarah Geronimo sa maikling bakasyon niya sa Balesin island sa Quezon Province. Nakasama ng Pop Princess ang ilang malalapit niyang kaibigan sa nasabing isla para makapag-rest ng kahit ilang araw.

Nakita namin ang ilang litrato ni Sarah sa Instagram, noong Miyerkules nagtungo sa Balesin ang singer-actress kasama sina Teacher Georcelle ng G-Force na kilalang isa sa mga best friend ng girlfriend ni Matteo Guidicelli, ang nutrionist na si Nadine Tengco at ang writer-actress na si Garlic Garcia.

Isa sa mga pictures na nakita namin ay ang pag-pose ni Sarah kasama ang isang kabayo, ang iba naman ay ang mga litratong ipinost ni Teacher Georcelle sa kanyang IG account kung saan makikita ang buong grupo.

Hindi lang kami sure kung may kasama pang iba sina Sarah sa nasabing Balesin trip pero sigurado raw na hindi kasama ang parents ng Pop Princess. Ewan ko lang si Matteo, ha!