Karla Estrada laging binabalaan si Daniel sa sex

DIRETSAHANG sinagot ni Karla Estrada ang tanong ng ilang miyembro ng entertainment press kung virgin pa ba ang anak niyang si Daniel Padilla.

Pagkatapos ng presscon ng bagong  show ng ABS, ang Your Face Sounds Familiar kung saan isa sa mga contenders si Karla na magpapakita ng kanyang galing sa pag-i-impersonate, kinorner na siya ng ilang reporters.

Unang tinanong sa kanya ang tungkol sa mga issue ng kanyang anak na si Daniel at sa ka-loveteam nitong si Kathryn Bernardo. Isa nga sa mga inusisa sa kanya ay kung may karanasan na sa sex si DJ

“Hindi ako para sumagot noon. Pero I would like to think, yes,” sey ni Karla. Aniya, hindi siya nagkukulang ng mga paalala kay Daniel tungkol sa mga sensitibong usapin, kabilang na ang pre-marital sex.

“Sinasabi ko ang totoo na, ‘Ang panandaliang kaligayahan ay habang buhay na pagsisisihan mo. So lagi kang mag-iingat. ‘Ma, ano ba ‘yan?’ Tapos tatakbo na ‘yan. Ayaw niya ‘yung ganung usapan,” kuwento pa ni Karla.

Hirit pa nito, “But I know my son very well. Hindi siya santo. Pero ako sinasabi ko he is very conservative.” Hindi rin naniniwala ang singer-actress na “namana” ni Daniel ang playboy image ng mga Padilla, lalung-lalo na ang uncle niyang si Robin Padilla.

“Lahat naman ng lalaki ay mahilig sa magagandang babae, hindi ba? So wala po sa apelyido ‘yan. Nagkataon lang na nakikita natin sa pelikula at naisusulat dahil sila nga nasa pinilakang tabing, sila ang napag-uusapan.

Pero hindi lang Padilla, ang dami natin diyan,” ani Karla.