UAAP women’s volley do-or-die game ngayon
Mga Laro Ngayon
(Mall of Asia Arena)
2 p.m. NU vs ADMU (men finals)
4 p.m. DLSU vs NU (women step-ladder semis)
MAGSASALPUKAN ang National University at De La Salle University sa isang sudden-death match ngayon para sa karapatang makasagupa ang defending champion Ateneo de Manila University sa UAAP Season 77 women’s volleyball Finals sa kanilang semifinals decider mamayang alas-4 ng hapon sa SM Mall of Asia Arena sa Pasay City.
Ang Blue Eagles ay tatangkain namang makuha ang kauna-unahang men’s championship laban sa NU Bulldogs sa Game 2 ng kanilang best-of-three series sa pambungad na larong gaganapin alas-2 ng hapon.
Ang NU Lady Bulldogs ay nasa bingit naman ng pag-abante sa title round sa Final Four era matapos magtala ng dalawang must-win games sa step-ladder semifinals.
Ang Lady Bulldogs, na hindi kinonsidera bilang title contender matapos simulan ang season sa 2-3 karta, ay
hinatak ang second-ranked DLSU Lady Spikers sa isang rubber match matapos itala ang nakakagulat na 25-20, 25-20, 25-19 pagwawagi noong Miyerkules.
Bagamat nakatikim ng pagkatalo, inaasahan naman ang matinding resbak ng La Salle na hangad na muling makabalik sa finals.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.