Sarah Lahbati: Hindi kasalanan na nagka-baby kami at hindi pa kasal!

WALANG nakikitang masama si Sarah Lahbati kung  nagsasama na sila ni Richard Gutierrez kahit hindi pa kasal.

Naniniwala rin siya na hindi kasalanan ang magkaroon sila ng anak kahit wala pang basbas nang simbahan o kahit wala pa silang legal documents para tumira sa isang bahay at maging mga magulang sa first baby nilang si Zion.

Sey ng aktres nang makapanayan ng ilang members ng entertainment media sa presscon ng horror-romance movie na “Liwanag Sa Dilim”, ang mahalaga ay nagkakaintindihan sila ni Richard at hindi nila pinababayaan ang kanilang anak.

Ani Sarah, ang bilis-bilis nga raw lumaki ni Zion kaya kailangan daw nito ng sapat na atensiyon mula sa kanila ni Chard, “He’s very good, magtu-two na siya sa April. And he’s very tall, he’s a healthy, happy baby.

“And, yun nga po, I make sure that I spend as much time with him because he grows up so fast and I don’t wanna miss out on anything. “So, wala namang problema dahil nama-manage ko naman yung personal life ko and work.

Kung may work ako, usually we make sure na Chard doesn’t have any schedule. Or when Chard is busy, I make sure that I’m not busy para salitan kami,” pahayag pa ng batambatang mommy.

May plano na rin daw sila ni Richard na sundan si Zion, “Siguro ‘pag mga ano na siya, mga three or four,” chika pa ng 21-year-old Kapuso actress.

Ibig bang sabihin nito, mauuna muna ang kasal bago nila sundan si Zion? “We’ll see,” kasabay ng pagsasabing wala siyang nakikitang problema kung mabuntis uli siya anytime now at hindi pa rin sila kasal ni Richard.

“You know why? Because for me naman, I don’t think it’s a sin that we have Zion and we’re not yet married. Because, before having Zion, we already knew that we wanted to spend the rest of our lives with each other.

“Because we knew that we’re gonna get married at one point of our lives. “Mas nauna lang si Zion, but then, we’re slowly getting there,” prangka pang chika ni Sarah Lahbati.