Ai Ai may balak kay Ser Chief: Humanda talaga siya sa ‘kin!
THE Box-Office Queen is back on stage!
Balik-konsyerto sa big venue si Ai Ai delas Alas via her concert “Ai Heart You Papa” na magaganap sa bonggacious na TheTheater sa Solaire Hotel & Casino on Feb. 12.
“And this year, gagawin ko rin ‘yung malaki kong concert for my 25th year sa showbiz. But before that meron akong show na ipo-produce na eto sana marami ring manood kasi charity ko naman ‘to.
Ang tentative title ay ‘AI-Five-Six,’ kasama ko sa show ‘yung K5. Sa September 8 ‘yung concert namin, birthday ni Mama Mary,” pagbabalita sa amin ni Ai Ai.
Ang K5 group daw na ‘to ay isang all-male group singers ng Light of Jesus (LOJ) ni Bro. Bo Sanchez. Habang ‘yung six naman sa title ay ang all-priests group na Six Priests in the City.
After ng “I Heart Papa” at “AI-Five Six” ay maghahanda na siya para naman sa malaking concert niya sa Arena ng SM Mall of Asia para naman sa kanyang ika-25 taon sa showbiz na mangagaanap sa SM Mall of Asia Arena, “Pero itong sa February 13, si JLF ang producer.
Oo, nabuhay siya. Ha-hahaha! Ang aking produ!” Si Jacob ang producer ng kauna-unahang major concert ni Ai Ai sa Folk Arts Theater noon. At the same time, manager din si Jacob ng singer na si Faith Cuneta, “Nakakatuwa dahil parang reunion din namin.
Kaya kami ang magka-partner sa major concert ko. Nakakatuwa, ‘di ba?” Buong pagmamalaki namang sinabi ni Ai Ai na siya ang unang local artist na gagamit ng bagong theater ng Solaire, “Ako ang unang-unang Pinoy na gagamit ng sosyal na venue.
Syempre noong malaman ko ‘yun, ‘Woohhh!!’ Tinanong ko nga sa kanila, ‘Gaano ba kaganda ‘yung theater na ‘yun?’ Ang laki, ang ganda raw, sobra. Kaya kakarerin ko ang concert na ito,” masayang kwento ni Ai Ai.
Makakasama ni Ai Ai sa “I Heart Papa” si Richard Yap. Tiyak daw na gugulatin niya si Richard with her antics on stage.
“Hintayin niya ‘yung style ko. Bibiglain ko siya, saka matutuwa ‘yun.
May surprise ako sa kanya doon, hintayin niya,”natatawang sabi pa niya. Bumigay naman kaya si Richard a.k.a Ser Chief kay Ai Ai?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.