‘Oh My G’ ni Janella papalit sa Give Love On Christmas
Sa hapon pala mapapanood ang mga programang Flordeliza at Nasaan Ka Nang Kailangan Kita dahil pasisiglahin ulit ng ABS-CBN ang afternoon timeslot nila.
Ang tatlong bagong programa ng network na magbubukas sa Lunes, Enero 19 ay mapapanood sa hapon, maliban sa Oh My G na siyang papalit sa Give Love On Christmas Presents Exchange Gift nina KC Concepcion at Paulo Avelino.
Ang Oh My G ay pagbibidahan nina Janella Salvador, Manolo Pedrosa at Mario Mortel na kung hindi kami nagkakamali ay inspired ng Indian movie na OMG (Oh My God) na ipinalabas noong Setyembre, 2012.
Ang serye nina Marvin Agustin at Jolina Magdangal na Flordeliza ay mapapanood pagkatapos ng It’s Showtime at susundan naman ng Nasaan Ka Nang Kailangan Kita na pagbibidahan naman nina Vina Morales, Jane Oineza, Loisa Andalio, Jerome Ponce, Joshua Garcia, Christian Vasquez, at Denise Laurel mula sa direksyon nina Jeffrey Jeturian at Mervyn Brondial.
Ang Nasaan Ka Nang Kailangan Kita ay pelikula naman na ipinalabas noong 1986 na pinagbidahan nina Ms. Susan Roces, Hilda Koronel, Snooky Serna, Janice de Belen, Richard Gomez, Aga Muhlach at Mr. Eddie Garcia.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.