Onemig sumugod sa korte para ‘makuha’ ang 2 anak
PORMAL nang naghain ng petisyon ang dating matinee idol na si Onemig Bondoc para sa sole custody ng kanyang dalawang anak.
Kasama ang kanyang legal counsel, nag-file ng petition noong Biyernes ng hapon si Onemig sa Quezon City Regional Trial Court.
Ayon sa ulat, gusto ng dating aktor na mapasakanya ang solong pag-aalaga ng dalawang anak nila ng model-actress na si Valerie Bariou.
Hindi lang malinaw kung paano ang arrangement ng dating mag-asawa sa pagpapalaki sa kanilang mga anak. Kung matatandaan, ikinasal si Onemig kay Valerie noong 2009, ngunit nagkahiwalay noong 2014.
Dating Kapuso actor si Onemig na nakilala sa youth-oriented show noon sa GMA na T.G.I.S. kasama sina Angelu de Leon, Ciara Sotto at Bobby Andrews.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.