Kathryn nag-sorry kina Marian at Dingdong
Nag-sorry si Kathryn Bernardo kina Dingdong Dantes at Marian Rivera. Ito’y may kinalaman pa rin sa gaganaping kasal ng GMA Primetime King and Queen sa Dec. 30.
Ayon kay Kathryn, hindi kasi siya makakadalo sa Royal Wedding nina Marian at Dingdong dahil meron na siyang prior commitment sa nasabing date.
Kinuha kasi ni Marian ang Teen Queen para tumayong isa sa mga bridesmaid pero hindi nag pumuwede si Kath.Sa presscon ng kanyang self-titled album nagpaliwanag ang Kapamilya actress, “Actually, nung sinabi yun sa akin, nag-sorry talaga ako, kasi wala ako dito nun.
Gusto ko talaga pumunta, kasi super idol ko talaga si Ate Marian, pero yun, naintindihan naman niya. “Gusto ko silang i-congratulate kasi super-fan ako ng DongYan, and I am sure naman na marami pa silang years together.
They look very happy and in love and nakaka-inspire sila,” anang young actress. Kung matatandaan, unang nagkasama sina Kathryn at Marian sa Kapuso teleserye na Endless Love (2010), kung saan gumanap na batang Marian ang Teen Queen na isa na rin ngayong recording artist ng Star Music.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.